ཀྲུང་གོའི་CPI2019ལོའི་ཟླ་10པར་ལོ་རེའི་ཆ་ནས་0.3%འཕར་ཡོད།

ཀྲུང་གོ་རྒྱལ་ཁབ་བསྡོམས་རྩིས་ཅུས་ཀྱིས་ཚེས9ཉིན་ཁྱབ་བསྒྲགས་བྱས་པའི་གཞི་གྲངས་ལས་མངོན་པར་གཞིགས་ན།ཟླ་10པར་རྒྱལ་ཡོངས་ཀྱི་འཛད་སྤྱོད་རིན་གོང་སྟོན་གྲངས་དུས་མཚུངས་ལས་0.3%འཕར་ནས་ཟླ་གོང་མ་ལས་བརྒྱ་ཆའི་གྲངས་0.1དམའ་རུ་ཕྱིན་པ་དང་འཛད་སྤྱོད་ཁྲོམ་ར་2000ཟིན་ཡོད། སྤྱིར་བཏང་བརྟན་པོ་ཡོད།

བསྡོམས་རྩིས་ལས་མངོན་པ་ལྟར་ན་ཟླ་10པར་ཟས་རིགས་ཀྱི་རིན་གོང་དུས་མཚུངས་ལས་2.9%འཕར་ནས་ཟླ་གོང་མ་ལས་བརྒྱ་ཆའི་གྲངས་0.4དམའ་རུ་ཕྱིན་ཡོད། ཟས་རིགས་ཁྲོད་སྔོ་ཚལ་གསར་པ་དང་། ཕག་ཤ། ཤིང་ཏོག་གསར་པའི་རིན་གོང་སོ་སོར་21.6%དང་། 14.2%། 4.7%བཅས་འཕར་ཡོད་ཀྱང་འཕར་ཚད་ཚང་མ་མར་ཆག་པ་དང་།

ཟླ་10པར་ཟས་རིགས་མིན་པའི་རིན་གོང་དུས་མཚུངས་ལས་0.3%ཆག་པ་དང་ཆག་ཚད་ཟླ་བ་གོང་མ་ལས་བརྒྱ་ཆའི་གྲངས་0.1རྒྱ་བསྐྱེད་བྱུང་ཡོད། ཟས་རིགས་མིན་པའི་དངོས་ཟོག་ཁྲོད་ནུས་ཁུངས་ཀྱི་རིན་གོང5.1%མར་ཆག་པ་དེ་ཟླ་གོང་མ་ལས་བརྒྱ་ཆའི་གྲངས་1.6འཕར་བ་དང་དེའི་ནང་རླངས་སྣུམ་གྱི་རིན་གོང་10.7%མར་ཆག་ཡོད། ནུས་ཁུངས་མ་ཚུད་པའི་བཟོ་ལས་འཛད་སྤྱོད་ཅ་ལག་གི་རིན་གོང་འཕར་ཚད་0.2%ཟིན་པ་དེ་ཟླ་སྔོན་མ་དང་གཅིག་མཚུངས་ཡིན་པ་དེའི་ཁྲོད་ནུས་རྒྱུ་གསར་པའི་རླངས་འཁོར་དང་སྣུམ་རླངས་རླངས་འཁོར་གྱི་རིན་གོང་སོ་སོར་6.6%དང་6.1%ཆག་ཡོད། ཞབས་ཞུའི་རིན་གོང་འཕར་ཚད0.4%ཟིན་པ་དེ་ཟླ་གོང་མ་ལས་བརྒྱ་ཆའི་གྲངས0.2འཕར་ཡོད།