དབྱིན་ཡུལ་གྱིས་རྒྱ་ནག་གི་བཟོ་ཚོང་ལས་ཁང་བཅུ་ལ་བཀག་སྡོམ།

དབྱིན་ཇིར་བཅའ་སྡོད་ཀྲུང་གོའི་གཞུང་ཚབ་ཁང་གི་མགྲིན་ཚབ་པས་གསར་འགོད་པས་ཀྲུང་གོའི་ཁེ་ལས་ལ་དབྱིན་ཇིའི་བཀག་སྡོམ་བྱེད་ཐབས་སྐོར་གྱི་དྲི་བར་ལན་བཏབ་པ་རེད།

གསར་འགོད་པ། ཕྱི་ཟླ་ ༡༡ ཚེས་ ༧ ཉིན་དབྱིན་ཇིའི་གཞུང་གིས་ཨུ་རུ་སུའི་དམག་དོན་བཟོ་ལས་ཁང་ལ་རྒྱབ་སྐྱོར་བྱེད་པའི་རྒྱུ་མཚན་གྱིས་རྒྱ་ནག་གི་ཚོང་ཁང་ ༡༠ ཚུད་པའི་རྒྱལ་ཁབ་ཀྱི་སྡེ་ཚན་དང་མི་སྒེར་སྣ་ཚོགས་ལ་བཀག་སྡོམ་བྱེད་རྒྱུའི་ཁྱབ་བསྒྲགས་བྱས་ཡོད། འདྱིའྱི་ཐོག་ལ་དགོངས་འཆར་ག་རེ་ཡོད།

གཞུང་ཚབ་ཁང་གི་མགྲིན་ཚབ་པ། དབྱིན་ཇིའི་ཕྱོགས་ཀྱི་བྱ་སྤྱོད་དེས་རྒྱལ་སྤྱིའི་ཁྲིམས་ལུགས་ལ་འགལ་འཛོལ་བྱེད་པ་དང་རྒྱ་ནག་གི་ཁེ་ལས་ཀྱི་ཁྲིམས་མཐུན་ཐོབ་ཐང་དང་ཁེ་ཕན་ལ་གནོད་སྐྱོན་གཏོང་གི་ཡོད།

ངས་ཡུ་ཁེ་རེན་གྱི་གནད་དོན་ཐད་ཀྲུང་གོས་དུས་རྟག་ཏུ་དམིགས་འབེན་དང་དྲང་བདེན་གྱི་ལངས་ཕྱོགས་མཐའ་འཁྱོངས་བྱས་ཏེ་ཞི་བའི་གྲོས་མོལ་ལ་སྐུལ་འདེད་ཧུར་ཐག་བཏང་བ་དང་ཆབ་སྲིད་ཀྱི་ཐག་གཅོད་ལ་སྐུལ་འདེད་བཏང་ཡོད་ཅེས་བསྐྱར་དུ་བཤད་འདོད་ཡོད།

ང་ཚོས་དབྱིན་ཇིར་ནོར་འཁྲུལ་ཡོ་བསྲང་བྱས་ནས་ཀྲུང་གོའི་ཁེ་ལས་ལ་བཀག་སྡོམ་མེད་པར་བཟོ་རྒྱུའི་འབོད་སྐུལ་ཞུ་རྒྱུ་ཡིན། ཀྲུང་གོས་དགོས་ངེས་ཀྱི་བྱེད་ཐབས་སྤྱད་དེ་རང་གི་ཁྲིམས་མཐུན་ཁེ་དབང་དང་ཁེ་ཕན་ལ་སྲུང་སྐྱོབ་བྱ་རྒྱུ་ཡིན།